Silvia Romano, vullnetarja italiane, e rrëmbyer 18 muaj më parë në Afrikën Lindore, mbërriti në Romë ditën e sotme.
Romano u prit nga të afërmit e saj në aeroport dhe pasi i përshëndeti, u nis për në prokurori, ku do të japë edhe dëshminë e saj.
“Unë isha e fortë dhe rezistova,” këto janë fjalët e para të Silvia Romano, vullnetares italiane.
Romano u mor peng në kohën kur punonte si vullnetare për shoqatën “Africa Milele”, në Kenia në nëntor të vitit 2018.
Ajo u gjend në Somali, rreth 30 km jashtë kryeqytetit Mogadishu, dhe u la e lirë falë përpjekjeve të agjencisë së jashtme të inteligjencës.
Lirimi dhe kthimi në shtëpi i Romanos u përshëndet nga kryeministri italian Guissepe Konte dhe nga ministri i jashtëm Luigi Di Maio, të cilët e theksuan se Task Force kishte vazhduar përpjekjet e shumta për çlirimin e saj./Opinion.al
