Një 41-vjeçare shqiptare me banim në Selanik, që ishte shpallur e zhdukur, është gjetur e pajetë nga autoritetet greke. Trupi i viktimës është gjetur brenda një bagazhi në një zonë pyjore të Halkidiki-s, midis Triglia dhe Galatista.
Zbulimi i ngjarjes është bërë nga një mik i partnerit së 41-vjeçares, i cili, i pyetur në polici, ka rrëfyer se partneri e ka vrarë, e ka vendosur në një bagazh dhe e ka transportuar, me ndihmë, në një zonë të largët dhe me shkurre midis Triglia dhe Galatista, në Halkidiki.
Po i njëjti person ka treguar në polici vendin ku kishin depozituar trupin e gruas fatkeqe.
Ndërkaq mediat greke raportojnë se sipas informacioneve nga gjetjet e para të ekspertizës mjeko-ligjore në trupin e 41-vjeçares shtatzanë, rezulton se viktima ka plagë me thikë në qafë.
Ndonëse ende nuk është zbardhur plotësisht motivi i krimit, shoku i autorit të dyshuar thotë se ka të bëjë me mosmarrëveshje financiare.
Nga ana e tij, partneri i viktimës mohon përfshirjen në krim, por policia raportohet se ka në duar pamjet video, në të cilat dy burrat duket se mbajnë diçka të rëndë, që i ngjan një bagazhi. Njëkohësisht nga hetimet e kryera në shtëpinë e partnerit të gruas janë gjetur gjurmë gjaku, flokë të viktimës, si dhe ADN.
Gjithashtu, në shtëpi janë gjetur edhe gjurmët e gishtave të mikut të autorit të dyshuar.
Si ndodhi krimi:
Dy burra (partneri dhe shoku i tij) i zunë pritë Gjeorgjisë kur ajo hyri në shtëpinë e partnerit të saj 39-vjeçar në Selanik rreth orës 23:00 të natës së Vitit të Ri.
Sipas të njëjtave informacione, i pari që ka sulmuar 41-vjeçaren ka qenë shoku 34-vjeçar i partnerit, i cili me kërcënimin me thikë ka imobilizuar gruan, ndërsa partneri i saj 39-vjeçar i ka vënë prangat dhe i vendosi shirit mbi gojën e saj.
Tmerri për gjeorgjianen fatkeqe ka vazhduar në dhomën e gjumit të shtëpisë, ku dy burrat e kanë bartur dhe e kanë goditur me thikë disa herë majtas e djathtas në qafë, duke bërë që ajo të japë frymën e fundit.
Lëvizja tjetër, dhe me sa duket e planifikuar paraprakisht, e dy autorëve ishte të merrnin një bagazh, të vendosnin trupin e pajetë të Gjeorgjisë brenda dhe në fund ta transportonin atë në një zonë të shkretë të Halkidikit.
Informacionet nga burime policore mësojnë se në fund, pasi kanë braktisur bagazhin me trupin e 41-vjeçares, dy autorët janë kthyer në banesën ku e kishin vrarë dhe tentuan të fshehin gjurmët e tyre, madje duke ndryshuar dyshekun e krevatit.
Bëhet e ditur se dy autorët pasi vranë 41-vjeçaren shtatzënë, i kanë zhvatur shumën prej 80 eurosh.
