Pas fitoreve me shumë gola të Kukësit dhe Skënderbeut, edhe Partizani bën të njëjtën gjë ndaj Teutës.
Të kuqtë arritën të shënojnë katër herë në portën e Moçkës, ndërsa Çyrbja ishte autori i golit të vetëm të durrsakëve. Partizani shënoi dy herë me Torrasën në pjesën e parë, ndërsa Ekuban shënoi dopietën e tij, menjëherë pas golit të Teutës dhe Sukaj shënoi në minutat shtesë me 11 metërsh, duke fiksuar rezultatin final 5-1.
Me këtë fitore, Partizani i bashkohet Kukësit në krye të renditjes, me 62 pikë, 3 më tepër se Skënderbeu i vendit të tretë. Pikërisht të kuqtë, Kukësi dhe korçarët, janë duke zhvilluar një garë mjaft interesante, për titullin kampion, kur kanë mbetur edhe 6 javë nga fundi i kampionatit.
Javën e ardhëshme, Partizani do të luajë derbin me Tiranën, Skënderbeu do të udhëtojë në Gjirokastër dhe Kukësi do të presë Laçin.
