Ndeshja e kthimit mes Partizanit dhe Sherifit të Tiraspolit, e vlefshme për kualifikimin në turin tjetër të Europa League, u mbyll me rezultatin 1-1. Kjo do të thotë që “Demat e Kuq” nuk do të mund të vazhdojnë më rrugëtimin e tyre drejt një kompeticioni europian pas humbjes 0-1 ndeshjen e parë në Tiranë.
Partizani e mbylli në avantazh pjesën e parë takimit. Një aksion i bukur u finalizua nga Asani në minutën e 29 të takimit. Megjithatë “të kuqtë” nuk arritën ta ruanin rezultatin, i cili minimalisht do të shtynte ndeshjen në kohët shtesë. Në minutën e 63 mbrojtësi N’Diaye barazoi shifrat në 1-1 dhe rezultati do të mbetej i pandryshuar deri në fund të takimit.
Pjesa e dytë ishte më e mirë për ekipin e Lerdas pavarësisht se pësuan gol por gjithashtu loja ishte shumë e tensionuar edhe kjo u reflektua në numrin e lartë të kartonëve të verdhë, plot 11 të tillë nga të cilët 9 u morën vetëm në pjesën e dytë.
Skualifikimi i Partizanit shënon daljen e të gjitha skuadrave shqiptare nga kompeticionet europiane. /Opinion.al
