Partia Socialiste ka dorëzuar sot në Komisionin Qendror të Zgjedhjeve kërkesën zyrtare për regjistrimin në zgjedhjet lokale të 30 qershorit.
Kërkesa mban firmën e Sekretares për Koordinim Elektoral, deputetes Blerina Gjylameti.
Afati për regjistrimin në zgjedhjet e 30 qershorit është deri më 21 prill. Mësohet se deri më tani nuk është regjistruar asnjë nga partitë opozitare.
Kryeministri Edi Rama ka përsëritur disa herë se me apo pa opozitën, Partia Socialiste do të futet në zgjedhjet lokale. Nga ana tjetër, Partia Demokratike dhe aleatët nuk pranojnë zgjedhje me Edi Ramën kryeministër dhe kërkojnë mbajtjen e zgjedhjeve lokale së bashku me ato të përgjithshme në vjeshtë./Opinion.al
