Sekretari i Përgjithshëm i Partisë së Lirisë Tedi Blushi, nga Korça njoftoi ndezjen e motorëve të fushatës elektorale.
“Strukturat tona në këtë qark tanimë janë në këmbë dhe besoj se rezultati që kjo forcë politike, pra PL, do të arrijë në 11 maj do të jetë spektakolare jo vetëm në Korcë por besoj në të gjithë Shqipërinë.”
Edhe pse e pranon se “do të jetë një malore e vështirë për opozitën,” për shkak, siç u shpreh ai, të bashkëpunimit Rama-Dumani. Blushi tha se Partisë e Lirisë pret që të sigurojë tri mandate vetëm në qarkun e Korçës.
“Nuk është cështje numuri, por është cështje fryme, dhe unë jam i bindur se rezultati që Partia e Lirisë do të arrijë në zgjedhjet e 11 Majit në Qarkun e Korcës, do të jetë një rezultat I paparë ndonjëherë. Objektivi është minimum 3 Deputetë në Qarkun e Korcës dhe 1 deputet nga Qarku i Korçës për Qarkun e Tiranës.”
