Partia Demokratike ka përjashtuar nga radhët e saj, deputetin Myslim Murrizi, i cili kundërshtoi vendimin e Këshillit Kombëtar të Partisë Demokratike për djegien e mandateve.
Vendimi është marrë pak minuta më parë në mbledhjen e Kryesisë së Partisë Demokratike.
Murrizi e shprehur hapur vendimin e tij ditën e djeshme gjatë një interviste televizive, ku tha se nuk do të dorëzonte mandatin që i kishte dhënë populli i Lushnjës.
Një ndër vendimet e tjera që u morën në kryesi është edhe ngritja e grupeve të punës dhe e shtabit të përgjithshëm që do merret në çdo qytet me organizimin e protestave. Gjatë fjalës së tij kryetari Basha tha se: “Duhet të bëhet ndërthurja e protestës me shpalosjen e alternativës. Grupi i punës që do të ngrihet për arsimin e lartë, do të jetë për çdo fushë kryesore, për pensionet, për shëndetësinë, për investimet, etj. Të nisim punën, sepse mund të jemi me zgjedhjet mbrapa dere. Nuk kemi pse të harxhojmë asnjë minutë.”-, tha Basha Dl/ Opinion.al
