Parlamenti i Turqisë ka miratuar një ligj kontrovers, që do t’iu heqë deputetëve imunitetin nga ndjekja penale.
Deputetët pro-kurdë thonë se ligji synon të dëbojë anëtarët e opozitës nga Parlamenti.
Ligji thuhet se ka në shënjestër dy parti pro-kurde, raporton express.
Turqia është duke udhëhequr një ofensivë kundër Partisë së Punëtorëve të Kurdistanit, të cilën e cilëson si organizatë terroriste.
Presidenti turk, Recep Tayyip Erdogan, ka kërkuar që deputetët pro-kurdë të përballen me akuzat për terrorizëm dhe votimi i së premtes mund të jetë një hap drejt kësaj.
