Byroja e Kuvendit ka përjashtuar për 10 ditë deputetin demokrat, Flamur Noka i cili u përfshi dje në debate të ashpra me ministrin Saimir Tahiri dhe kryetarin e Komisionit të Sigurisë, Spartak Braho.
Në një reagim për mediat, Noka ka sqaruar pozicionin e tij dhe arsyet pse u përfshi dje në incident verbal me Tahirin. “Ai erdhi ai 5 minuta sa për shoë. Nuk denjonoi të raportonte për situatën në vend, se njerëzit po vriten si lepuj, por erdhi ai tha dy fjalë dhe iku. Ai kërkoi të përdhunojë deputetët e komisionit të Sigurisë me atë sjellje karagjoze. Unë nuk lejon përdhunimin nga ana e ministrit”, u shpreh Flamur Noka, duke shtuar se nuk e ka problem për përjashtimin dhe do ta përsërisë sërish nëse Tahiri nuk denjon tu përgjigjet deputetëve të PD-së. Sipas tij edhe Spartak Braho ishte palë me ministrin, ndaj reagoi ashpër dje edhe ndaj tij gjatë mbledhjes në komision, duke i thënë “të kam dhjerë në kryetar…ca kryetari që je ti!”
