TIRANE- Parlamenti ka votuar kundër dërgimit në Gjykatën Kushtetuese të mandatit të deputetit të PS-së, Rakip Suli me 77 vota kundër dhe vetëm 33 të opozitës pro.
Opozita edhe pse kishte braktisur punimet e Kuvendit, u rikthye vetëm për këtë votim, pasi ka qenë kërkesë e saja dërgimi në Kushtetuese i Rakip Sulit.
Berisha duke folur për gazetarët në oborrin e parlamentit deklaroi: “Kusarizmi dominoi në Parlament, qytetarët t’i japin përgjigje me mjete të mosbindjes civile kësaj shumice të shndërruar në mënyrën më kriminale. Ata nuk mbrojnë Rakipin, është peshk i vogël, mbrojnë plaçkën e madhe që ka bërë kryeministri i tyre Edi Rama. Futën në mes edhe Madem Lokomotivën, Koçoja iu kërciti dhëmbët e dëgjuat vetë ju”, tha Berisha. “Atë që ushtuan në sheshet e qyteteve, o Edvin, o kusar do të varim në litar, ata të marrin karrierën politike të Ramës. Ta hedhin në Lanë dhe të vijojmë përpara”.
