Shumica e Parlamentit të Koresë së Jugut, votoi të premten projektligjin për shkarkimin e Presidentit në detyrë, Han Duck-soo. Mësohet se për largimin e tij nga detyra votuan rreth 192 ligjvënës, nga Parlamenti prej 300 anëtarësh.
Në vend të tij, është emëruar Ministri i Fincancave, Choi Sang-mok, sipas ligjeve të Koresë. Partia kryesore e opozitës, ajo demokratike, e cila kontrollon të gjithë Parlamentin, vendosi për shkarkimin e Han, kjo pasi ai nuk emëroi menjëherë tre gjyqtarë për të për të plotësuar vendet vakante në Gjykatën Kushtetuese.
Ka pasur mosmarrëveshje mes partive në pushtet dhe opozitës e disa studiuesve kushtetues, nëse nevojitet një shumicë e thjeshtë ose dy të tretat e votave për të fajësuar Presidentin në detyrë. Megjithatë, kryetari i Parlamentit, Woo Won-shik, i cili vjen nga partia opozitare tha se duhej vetëm një shumicë e thjeshtë për të fajësuar Han.
Kryeministri Han e ushtroi detyrën e Presidentit, që kur paraardhësi i tij, Yook Sun Yeol u fajësua më 14 Dhjetor për vendosjen e tij afatshkurtër të ligjit ushtarak më 3 Dhjetor dhe kompetencat e tij presidenciale u pezulluan.
