Përpjekjet e fundit të kryeministrit britanik Rishi Sunak për të dërguar disa emigrantë në Ruandë, më në fund fitoi miratimin nga Parlamenti këtë të martën, disa orë pasi ai premtoi se largimi i emigrantëve do të nisë në korrik.
Marrëveshja parlamentare që kishte ngecur për dy muaj, më në fund u thye vetëm pas mesnate kur Dhoma e pazgjedhur e Lordëve “njohi primatin” e Dhomës së Komunave të zgjedhur dhe hoqi amendamentin e fundit të propozuar, duke hapur rrugën për projektligjin.
Më herët gjatë ditës, Sunak mbajti një konferencë të rrallë në mëngjes për të kërkuar që Lordët të ndalojnë bllokimin e propozimit të tij, për t’i dhënë fund valës së emigrantëve që kalojnë Kanalin Anglez me varka të vogla.
Ngërçi legjislativ ishte vetëm pengesa e fundit për të vonuar zbatimin e një plani që është bllokuar vazhdimisht nga një sërë vendimesh gjyqësore dhe kundërshtime nga aktivistët e të drejtave të njeriut që thonë se është i paligjshëm dhe çnjerëzor. Mbrojtësit e emigrantëve janë zotuar të vazhdojnë luftën kundër tij.
“Për gati dy vjet, kundërshtarët tanë kanë përdorur çdo truk në libër për të bllokuar luftimet dhe për të lejuar varkat të vijnë,” u tha Sunak gazetarëve të hënën në mëngjes në Londër.
Qeveria planifikon të deportojë në Ruandë disa nga emigrantët që hyjnë ilegalisht në Mbretërinë e Bashkuar, si një pengesë për migrantët që rrezikojnë jetën e tyre në varkat e vogla, me shpresën se do të jenë në gjendje të kërkojnë azil sapo të arrijnë në Britani./Opinion.al
