Parlamenti Evropian ka dhënë miratimin përfundimtar për largimin e Britanisë nga blloku evropian, duke hapur rrugën për Brexit të premten.
Në procesin e votimit, 621 ligjvënës kanë votuar pro largimit të Britanisë nga BE-ja , ndërsa 49 që kanë votuar kundër dhe 13 të tjerë kanë abstenuar.
Rezultatet e referendumit të vitit 2016 treguan se 52 për qind e britanikëve ishin në favor të largimit nga BE-ja.
Pas 31 janarit, procesi i Brexit-it do të ketë një periudhë tranzicioni deri në fund të vitit.
Kryeministri britanik, Boris Johnson ka mohuar se do të ketë shtyrje të kësaj periudhe tranzicioni.
