Pas ngjarjes së djeshme në Elbasan, ku policia ndaloi shtetasin Orest Sota me 800 mijë euro në automjetin e tij dhe dy patenta të Saimir Tahirit, Drejtori i komanduar i policisë së Elbasanit, Altin Qato ka dalë sot në një konferencë për mediat, ku ka theksuar se qyteti i Elbasanit nuk ka probleme me sigurinë. Ai ka shtuar gjithashtu se asgjë nga ngjarja e djeshme nuk është fshehur dhe se materialet i kanë kaluar prokurorisë.
Fjala e Qatos
“Nuk është mirë kur problemet apo dinamika zmadhohet se japin një percepim të gabuar pasi rendi përvecse ka të bëjë me masat tona, me sigurinë, ka të bëjë edhe me përceptimin e publikut.
Normalisht, Elbasanin ne nuk e quajmë një qytet që nuk ka siguri, ka siguri, ka pasur disa probleme, disa ngjarje me të cilat ne po merremi e shume shpejt do zbardhen. Synimi është të parandalojmë ngjarjet kriminale, por edhe për të goditur ngjarjet e mëparshme që kanë mbetur pa autor. Ju garantoj se siguria eshte siguri normale, policia e ka në kontroll situatën pavaresisht se ka pasur disa ngjarje qe paten impaktin e vet, por edhe perceptimi mediatik beri efektin e vet negativ”.
“Ne kroskotin e makines u gjeten parate dhe dokumentat e Tahirit. Nuk kemi fshehur asgje materialet ia kemi kaluar prokurorise. Media e ekzagjeron lajmin pasi gjate ndalimit provat materiale jane sekuestruar. Kemi bere transparent cdo veprim. O.S u arrestua per fshehje te ardhurash. Nuk mund te kaloj normat e sekretit hetimor. Policia kryen detyrat e veta”, tha Qato.
