Pjesa e parë ditës do të dominohet nga alternime kthjellimesh dhe vranësirash të shpeshta në pjesën më të madhe të vendit, por më të dendura vranësirat do të jenë në veri dhe një pjesë të qendrës duke rrezikuar shira të përkohshëm.
Parashikohet që edhe pasditja të vijojë me të njëjtat kushte atmosferike duke bërë që kthjellimet dhe vranësirat e lehta e kalimtare të jenë prezent në zonat e ulëta dhe bregdetare duke lënë zonat veriore dhe verilindore me vranësira dhe shira lokale.
Parashikohet që gjatë natës do të ketë largim të vranësirave dhe shirave edhe nga zonat veriore. Temperaturat e ajrit do të qëndrojnë konstante gjatë orëve të mëngjesit ndërsa mesdita do të sjellë një rritje të lehtë të tyre. Era do të fryjë mesatarisht me shpejtësi 25 km/h nga jugperëndimor dhe për pasojë në brigjet detare dallgëzimi do të arrijë deri në 2 ballë./tvklan.al
