Orët e paradites janë dominuar nga alternime kthjellimesh dhe vranësirash të dendura duke gjeneruar reshje të dobëta shiu e dëbore.
Më të mundshme parashikohen të jenë në rajonin Jugor – Juglindor.
Pasditja vijon me vranësira dhe reshje shiu ne pjesën më të madhe të territorit por më të dukshme në zonat juglindore ku do të ketë reshje dëbore.
Sipas MeteoAlb, temperaturat e ajrit rriten në mëngjes dhe mesditë duke luhatur vlerat ekstremale ditore nga -4 në 14°C.
Era do fryjë me shpejtësi 30 km/h nga drejtimi Lindor duke krijuar në det dallgëzim 2 ballë.
