Deri në mesditë moti do të jetë i kthjellët në të gjithë territorin e vendit, por pas mesdite do të ketë kalime vranësirash të shpeshta të cilat në ekstremin verior do të rrezikojnë shira të karakterit lokal.
Pjesa e dytë e ditës do të vijojë me kthjellime dhe vranësira të shpeshta në ultësirën perëndimore, ndërsa vranësira më të dendura do të kenë zonat malore përgjatë kufirit lindor. Gjatë natës vranësirat do të jenë prezent në të gjithë territorin e vendit.
Temperaturat e ajrit do të pësojnë 2 gradë rritje gjatë orëve të mëngjesit, po ashtu mesdita do të sjelle një rritje të lehtë të tyre.
Era do të fryjë mesatare me shpejtësi 30 km/h nga drejtimi kryesisht jugperëndimor dhe për pasojë në brigjet detare të gjenerohet dallgëzim deri në 3 ballë.
