Ditën e sotme zonat e ulëta dhe bregdetare dominohen nga moti i kthjellët por zonat malore paraqiten me kthjellime e vranësira të shpeshta, kryesisht në zonat juglindore.
Orët e pasdites por edhe gjatë natës do të karakterizohen nga mot kryesisht i kthjellët në pjesën më të madhe të territorit.
Temperaturat e ajrit rriten në të dy vlerat ditore duke bërë që minimalja në territor të shënojë 4 gradë Celsius ndërsa maksimalja mbi 25 gradë Celsius.
Era do të fryjë mesatare me shpejtësi deri 28 km/h nga drejtimi verior duke bërë që në det të gjenerohet dallgëzim 2 ballë.
