Vendi ynë do të jetë sërish nën ndikimin e masave ajrore të paqëndrueshme duke sjellë vranësira dhe reshje shiu në pjesën më të madhe të terriorit, ku më të theksuara do jenë në zonat veriore e jugore ku priten rrebeshe.
Sipas Meteoalb, parashikohet që orët e pasdites dhe në vijim të mbeten nën ndikimin e vranësirave dhe reshjeve të shiut, por në zonat e thella malore do të ketë reshje të pakta dëbore.
Temperaturat e ajrit do të vijojnë konstante në orët e mëngjesit, por rriten maksimumet duke luhatur vlerat ditore nga 4°C vlera minimale e shënuar në qytetin e Pukës deri në 21°C vlera më e lartë e cila pritet në qarkun e Fierit.
Era do të fryjë mesatare deri e fortë me shpejtësi mbi 40 km/h nga drejtimi kryesisht verior, kjo do të bëjë që në brigjet detare të krijohet dallgëzim 3 ballë.
