Ditën e hënë moti parashikohet i qëndrueshëm dhe i kthjellët, me orë të gjata me diell në të gjithë territorin.
Më të theksuara vranësirat do të jenë në zonat malore Lindore megjithatë nuk priten reshje. Parashikohet që pasditja dhe nata të vijojnë nën dominimin e kthjellimeve, vranësirave dhe lagështirës së lartë në ajër.
Temperaturat e ajrit do të pësojnë sërisht ritje në të dy vlerat ekstremale ditore duke u luhatur nga 13°C vlera minimale deri në 41°C maksimalja në rang territori.
Era do të fryjë me drejtim jugperëndim-juglindje me shpejtësi mesatare 6m/s, në bregdet dhe lugina hera-herës do të arrijë deri 11m/s. Valëzimi në det do të jetë forcës 1 deri në 2 ballë.
