Dita e sotme parashikohet me mot relativisht të paqëndrueshëm. Moti parashikohet fillimisht i kthjellët e vranësira në shtim nga orët e mesditës e në vijim. Prej orëve të mesditës reshje shiu me intensitet të ulët në pjesën më të madhe të territorit ndërsa në veri hera-herës me intensitet lokalisht mesatar kryesisht në relievet malore të saj.
Reshjet parashikohen të jenë të herëpashershme në formën e shtrëngatave afatshkurtra. Mjegullinë në zonat luginore në orët e mëngjesit e të mbrëmjes si dhe në momentin e reshjeve.
Era nga kuadrati i veriut me shpejtësi mesatare deri në 5m/s, ndërsa përgjatë vijës bregdetare e lugina era fiton shpejtësi deri në 10m/s. Deti – Valëzimi 1 deri në 2 ballë. Ndiq SHMU për përditësime të sakta mbi motin!
