Teeritori shqiptar, ditën e sotme do të ndikohet nga qarkullimi i masave ajrore me origjinë verilindore, të cilat do të sjellin ulje të menjëhershme të temperaturave.
Përsa i përket motit, zonat e ulëta dhe bregdetare do të dominohen nga vranësira të shpeshta dhe intervale të shkurta kthjellimesh, ndërsa zonat malore do të mbizotërohen nga vranësira dhe reshje dëbore më të theksuara në zonat Juglindore.
Parashikohet që pjesa e dytë e ditës dhe në vijim të përmirësojë kushtet atmosferike në vend, por vijojnë temperaturat e ulëta.
Temperaturat e ajrit do të pësojnë rënie të theksuar të tyre duke u luhatur nga -3°C, vlera minimale e shënuar në zonat verilindore deri në 13°C vlera maksimale e cila pritet përgjatë vijës bregdetare.
Era do të fryjë mesatare deri e fortë gjatë gjithë ditës duke arritur shpejtësinë maksimale deri në 55 km/h nga drejtimi Verilindor; për pasojë në brigjet detare do të krijohet dallgëzim mbi 2 ballë.
