Është parandaluar një tragjedi e radhës në brigjet greke. Roja bregdetare e shtetit fqinj njofton se ka shpëtuar 53 emigrantë paraditen e sotme.
Sipas mediave greke, 3 nga 53 emigrantët janë dërguar në spital për ndihmë mjekësore, ndërsa mësohet se 30 prej tyre janë meshkuj.
“Autoriteti Portual i Samos është vënë në dijeni, në orët e mëngjesit të sotëm, për praninë e një gomone me numër të mjaftueshëm të të huajve, në zonën detare në verilindje të Samosit, pranë Kepit të Kotsika.
Një skaf patrullues LS-EL.AKT ka shkuar menjëherë në zonë, ku ka pikasur skafin në fjalë, ka kapur dhjetëra të huaj dhe i ka transportuar në portin e Malagarit, ku iu dorëzuan oficerëve të Departamentit të Policisë Samos, për t’u transferuar në KED/Samou.
Tre nga të mësipërmit u dërguan në Spitalin e Përgjithshëm Samos për ndihmën e parë. Një hetim paraprak po kryhet nga Autoriteti Portual i Samos, ndërsa skafi është dëmtuar”, thuhet në njoftimin e Rojës Bregdetare./Opinion.al
