Policia e Beratit ka parandaluar një vrasje të mundshme në rrugë. Paraprakisht bëhet me dije se një 36-vjeçar ka kërcënuar në rrugë me sëpatë një 39-vjeçar, në lagjen “Çlirimi”.
Sipas policisë ngjarja ka ndodhur për motive të dobëta pas një konflikti mes tyre, por nuk dihet saktësisht. Sapo policia ka marrë njoftimin, shërbimet e Komisariatit të Policisë Berat kanë organizuar punën dhe kanë mbërritur në vendngjarje, duke parandaluar kështu përshkallëzimin e konfliktit, që mund të kishte pasoja për jetën e shtetasve të përfshirë në të.
Në pranga ka rënë 36-vjeçari A. F.,
Si provë materiale, Policia ka sekuestruar mjetin prerës (sëpatë), me të cilin u krye kanosja. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme./Opinion.al
