Kandidati për deputet nga radhët e Partisë Demokratike në Durrës, Aulon Kalaja është paraqitur sot në Prokurorinë e Posaçme. Gjatë zgjedhjeve të11 Majit, Kalaja nuk arriti të siguronte mandatin për një numër të vogël votash.
Ai ka depozituar një kallëzim penal lidhur me një vendim të qeverisë për faljen e gjobave disa ditë para zgjedhjeve. Sipas tij, ky vendim ka ndikuar në mënyrë të padrejtë në rezultatin elektoral.
Kalaja kërkon që SPAK të hetojë ligjshmërinë dhe ndikimin e këtij akti në procesin zgjedhor. Ai thekson se është i vendosur të ndjekë çdo rrugë ligjore për të mbrojtur integritetin e votës.
