Sekretari i Përgjithshëm i Partisë Demokratike Gazmend Bardhi, është shprehur se selia blu ka të tjera informacione të cilat lidhin qeverinë “Rama” në afera korruptive.
Bardhi theksoi se aktualisht këto afera janë në proces dokumentimi që më pas të përdoren si prova.
Sekretari i Përgjithshëm i PD, tha se sapo të përfundojë verifikimi i plotë i dokumentave që implikojnë anëtarët e qeverisë në aktivitet kriminal, ato do të bëhen publike.
“Partia Demokratike sigurisht që disponon informacione dhe materiale që përfshijnë aktivitet kriminal të anëtarëve të qeverisë të cilat kalojnë në një filtër verifikimi dhe dokumentimi të plotë. Sapo ne të dokumentojmë afera të cilat do duhet ti ndajmë me publikun do i bëjmë publike. Konfirmoj që po kemi informacione të cilat i kemi në përpunim dhe verifikim të mëtejshëm”./ Opinion.al E.Xh.
