Kryeministri Edi Rama ka deklaruar se përveç integrimit në Bashkimin Evropian ka edhe alternativa të tjera. Rama ka përmendur në samitin për Ballkanin në Bruksel, Rusinë dhe Kinën.
Ai tha se gabohen kur thonë se s’ka rrugë apo alternativa të tjera, pasi Rusia dhe Kina, por edhe Islami radikal përbëjnë një shumëllojshmëri për secilin nga vendet tona.
Sipas tij, Rusia ofron një rrugë shumë të lehtë: harroni shtetin e së drejtës, harroni institucionet dhe mbaje pushtetin sa më gjatë të mundesh.
Kreu i qeverisë shqiptare, theksoi se kjo nuk është një rrugë pa interes, ku dhe kanë para që mund t’i hedhin.
Rama: Kjo nuk është se ka ndodhur në Siberi, por në mes të Evropës, kur kryeministri u kërcënua me vdekje, dhe ka ndodhur në Malin e Zi, pra rreziku është i pranishëm.
Po kështu edhe Kina ka se çfarë të ofrojë. Por, është edhe një rrugë e tretë, Islami radikal. Në rajonin tonë ne jemi shumë etnikë, shumë fetarë dhe shumëçka. Dhe me gjithë këtë shumëllojshmëri ne duam BE-në dhe do t’i duhet BE që të vrapojë dhe të na kapë, pasi në të kundërt do të kemi një martesë shumë herë më të kushtueshme që të martoheni me ne.
