Para disa minutash ish Ministri i Drejtësisë Ylli Manjani ka publikuar në “FAcebook-un” e tij një status ku shprehet se PD dhe PS po përgatiten të krijojnë një koalicion. Sipas Manjanit kjo është edhe arsyeja se pse Partia Demokratike po nxiton në rizgjedhjen e Bashës si kryetar dhe këtë e vërteton edhe mos-tërheqja e ministrave teknik nga posti.
Statusi i Plotë i Manjanit:
Supozim jo pa bazë.
——-
Nxitimi i PD për të rizgjedhur Bashën;
-mostërheqja e ministrave teknikë pas humbjes;
-shtyrja në kohë e deklarimit të qeverisë së re nga Rama dhe
-mos deklarimi i PD që është në opozitë, të çojnë në një konkluzion:
Po gatuhet koalicioni i madh PS-PD!
Justifikimi formal është i fortë: të përballojmë politikisht negociatat për anëtarësim! Janë të vështira e me shumë kosto ç’është e vërteta. Kanë rënë thuajse të gjitha qeveritë që negociuan anëtarësimin në BE.
Arsyeja e vërtetë: të amnistojnë veten nga e shkuara dhe të imunizohen nga veprimtaria e SPAK, që është një institucion i fortë kundër pushtetit!
Morali?! Si gjithmonë, pa moral! Do hiqet një tepsi për të vënë një govatë!
Jam i sigurtë qe ekziston ky plan! Padyshim më i keqi për demokracinë!
Të shohim a do mund të realizohet!
