Kryeministri i Shqipërisë, Edi Rama, zgjodhi t’i zhvilloi mbledhjet e para të qeverisë në një prej lokalëve të Llogarasë, destinacion ky i zgjedhur 10 ditë më parë edhe nga disa persona aspak miqësorë me komunitetin e banorëve aty.
Sipas një kronike të ABC News, 10 ditë më parë, një lokal në zonën turistike të Llogarasë është grabitur nga disa persona të armatosur. Ata nuk janë kapur ende. ABC Neës ka publikuar pamjet ku dallohen dy autorët që vjedhin paratë në arkën e lokalit.
Nga pamjet e publikuara, dallohet mjaft qartë, se njëri prej grabitësve ka qenë i armatosur me kallashnikov dhe ruante jashtë, ndërsa tjetri kontrollonte parat në lokal.
Kryeministri Rama përveç mbledhjeve me ministrat, mëngjesin e sotëm, zhvilloi edhe një bisedë me disa nga gazetarët kryesorë të politikës në vend, duke shfrytëzuar ajrin e pastër dhe klimën perfekte të zonës malore, duke mos qenë fare habi, që rreth tij të ketë pirë kafen e mëngjesit edhe ndonjë nga grabitësit e zonës, nëse marrim për bazë parimin: krimineli kthehet gjithmonë në vendin e krimit.
