Pak orë pas vrasjes është zbardhur dëshmia në polici e Leonard Bashaliu, i cili mëngjesin e sotëm vrau me armë zjarri 45-vjeçarin Ylber Xhahysa.
Tvklan.al raporton se Bashaliu është shprehur në dëshminë paraprake që vrasja ka ndodhur për një ngjarje të ndodhur 5 vite më parë ndërkohë që sipas tij sot filloi debati sërish.
“U zumë kot, 5 vjet më parë më ka qëlluar me grusht dhe sot filloi debati”, ka thënë 36-vjeçari Bashaliu.
Mësohet se autori Leonard Bashaliu ka qenë në gjendje të rënduar psikologjike në momentin që ka dhënë këtë dëshmi pas kryerjes së krimit.
Ngjarja e rëndë ndodhi sot në mëngjes në fshatin Gjocaj të Peqinit. Konflikti që nisi me fjalë mëngjesin e sotëm përfundoi me përdorimin e armës dhe vrasjen e 44-vjerçarit. Ylber Xhahysa fillimisht mbeti i plagosur por ndërroi jetë në spital./Opinion.al
