Ndeshja e parë e javës së dytë të Kategorisë Superiore, mes Tiranës dhe Teutës, ka përfunduar me rezultatin 0-0. Dhe pse pjesa e parë në “Selman Stërmasi” nisi me ritme të shpjeta, të dyja skuadrat u treguan të kujdesshme, duke mos lejuar prekjen e rrjetave.
Gjatë kësaj ndeshje, u regjistrua dhe një incident, pasi në minutën e 22-të në stadium ndërpritet energjia elektrike, duke bërë që një pjesë e fushës të mbetej në errësirë. Fillimisht Hoxhallari kërcënon nga goditja e dënimit, me Frashërin që largon në vështirësi, ndërsa në vijim të aksionit, Ngo godet traversën.
Në 45 minutat e dyta, ndeshja është më e balancuar, ndërsa Teuta në minutën e 69-të, Rustem Hoxha shpërdoron në mënyrë të pabesueshme golin e avantazhit për “Djemtë e Detit”.
Në të njëjtë minutë Mema kërkon të ndryshojë diçka në sulm, pasi ekipi i tij nuk po arrin të çajë prapavijën e miqve dhe largon Majkëll Ngo për Dungën, me anglezin që reagon i nervozuar në stol për zëvendësimin e kryer. Por, pavarësisht përpjekjeve të tyre, në fund të takimit dy skuadrat ndanë pikët me njëra-tjtrën./ Opinion.al E.Xh.
