Mbyllet pa gola ndeshja Partizani-Dinamo City. Dueli i zhvilluar në “Arenën e Demave” ishte tepër i luftuar, por pa gola.
Braziliani Denisson dhe Indrit Prodani patën mundësitë më të mirë për skuadrën e Dritan Mehmetit. Ndërkohë, kampionët në fuqi iu afruan golit me Alfred Mensah dhe Luis Birçajn, por 20-vjeçari u ndal nga traversa.
Me këtë rezultat, Partizani kryeson i vetëm klasifikimin, me 28 pikë, një më shumë se Egnatia.
Ndërsa Dinamo City regjistroi rezultatin e pestë radhazi pozitiv dhe tashmë renditet në vendin e pestë, me 16 pikë.
