Papa Françesku përmes një letre i ka shprehur afërsinë shpirtërore Kardinalit Ernest Simoni, për 60-vjetorin e arrestimit të tij nga regjimi komunist në Shqipëri, duke i uruar përzemërsisht Krishtlindjen.
“Faleminderit për dëshminë, faleminderit për ç’ka ke bëre e bën për Kishën. Vijo të jesh ikona gëzimplotë e dashurisë së Krishtit, Bariut të Mirë, që flijoi jetën për të gjithë. Lutuni për mua, ashtu si edhe unë do të lutem për Ju, e të dy do të lutemi për paqen në botë”, shkruan Ati i Shenjtë në letrën e tij.
Imzot Simoni është Kardinali i dytë shqiptar. Ai u bë Kardinal në 19 Nëntor 2016 nga Papa Françesku.
