Papa Françesku, para 30 mijë besimtarëve në Bazilikë dhe Sheshin e Shën Pjetrit, dekretoi nisjen e vitit të shenjtë në nivel planetar.
Në lutjen tradicionale për Krishtlindje, Papa Françesku apeloi për paqe, përkushtim dhe angazhim.
Në këtë festë ai hapi edhe Portën e Shenjtë në Vatikan, që simbolizon se viti 2025 do të jetë “vit i shenjtë”.
“Ka shumë vetmi këto kohë. Mendoni për luftërat dhe fëmijët që masakrohen me automatikë, për bombat në shkolla dhe spitale. Shpresa na thërret ne që të bëhemi pelegrinë në kërkim të së vërtetës dhe ëndërrimtarëve që nuk lodhen kurrë, gra dhe burra që pranojnë të sfidohen nga ëndrra e Zotit për një botë të re ku paqja dhe drejtësia mbretëron”, tha Papa Françesku.
Besimtarët katolikë kremtuan Krishtlindjet me një meshë në Kishën e Lindjes së Krishtit në Betlehem, ndërsa në Gazën pranë lufta vijon duke cenuar jetët e pafajshme në mënyrë mizore.
