Papa Françesku në urimin e tij me rastin e Krishtlindjes tha se Zoti i do të gjithë – “madje edhe më të këqijtë prej nesh”.
Ai po fliste me mijëra njerëz gjatë meshës në prag të Krishtlindjes në Bazilikën e Shën Pjetrit në Vatikan.
“Krishtlindja na kujton se Zoti vazhdon të na dojë të gjithëve, madje edhe më të këqijtë prej nesh. Për mua, për ju, për secilin nga ne, ai thotë sot:” Unë ju dua dhe do t’ju dua gjithmonë, sepse ju jeni të çmuar në sytë e mi, ‘”tha pontifi 83-vjeçar.
“Zoti nuk ju do sepse ju mendoni dhe veproni në mënyrën e duhur. Ai thjeshtë ju do. Dashuria e tij është e pakushtëzuar; nuk varet nga ju”.
Papa gjithashtu iu referua abuzimeve të klerikëve dhe skandaleve financiare që prekin Kishën.
“Çfarëdo që të shkojë keq në jetën tonë, çfarëdo që të mos funksionojë në Kishë, pavarësisht problemeve që ka në botë, nuk do të shërbejë më si një justifikim.”
Papa Françesku do të kthehet në Bazilikën e Shën Pjetrit më vonë në Ditën e Krishtëlindjes për të dhënë mesazhin tradicional papal në botë.
Në mesin e atyre që morën pjesë në meshë ishin fëmijë të zgjedhur nga disa vende përfshirë Venezuelën, Irakun dhe Ugandën. /Opinion.al
