Pas tërmetit në Itali bilanci i të vdekurve ka shkuar në 290. Mësohet se në Amatrice, janë edhe 15 trupa të pajetë për t’u identifikuar, ndërsa ata do ti nënshtrohen ADN-së. Kjo ka qenë e diela e parë pas tërmeti 6.2 ballë që shkaktoi vdekjen e shumë njerëzve të pafajshëm, dhe qindra të plagosur, ku Papa Frencesku ka bërë një mesazh drejtuar të prekurve nga tragjedia.
“Dëshiroj të përcjell lutjen time shpirtërore për të gjithë banorët e zonave të goditura më rëndë nga tërmeti i këtyre ditëve. Do të vij t’ju vizitojë sa më shpejtë që të jetë e mundur, për t’ju sjellë besimin. Shpejtësia me të cilën autoritetet dhe ekipet e shpëtimit janë duke punuar tregon se sa i rëndësishëm është solidariteti për të kapërcyer gjyqe të tilla të dhimbshme”, citohet në mesazhin e Papës.
