Papa Françesku feston ditën e sotme 87-vjetorin e lindjes.
Urimet për kreun katolik të Vatikanit mbërritën nga e gjithë bota. Kreu i shtetit italian Sergio Mattarella ka uruar Papën për ditëlindjen në emër të të gjithë italianëve. Urime erdhën edhe nga Konferenca e Ipeshkvijve Italiane CEI.
Siç shkruajnë mediat italiane, Papa pritet që sot ta kalojë një pjesë të ditës me fëmijët e varfër në “Santa Marta”, me ta ai do të shikojë një shfaqje të shkurtër me artistë cirku dhe do të shijojë tortën e ditëlindjes, ndërsa në orën 12:00 ai do të marrë urimet e të gjithë besimtarëve në sheshin e “Shën Pjetrit”.
Komuniteti katolik në Romë është shprehur se në ditëlindjen e tij, arsyet për të festuar janë të shumta duke treguar mirënjohje ndaj punës së Papës.
Një urim për Papën ka dhe kryeministri i vendit tonë Edi Rama, i cili krahas një fotoje të postuar në Facebook, shkruan: Edhe 100!
Pavarësisht moshës së vjetër dhe problemeve shëndetësore, të cilat e kanë shqetësuar veçanërisht këtë vit, Papa nuk po mendon të japë dorëheqjen. Mbi abdikimin e paraardhësit të tij gjerman Benedikti XVI.
Kur u pyet, ai tha:
“E pashë guximin e Benediktit kur kuptoi se nuk mund ta bënte më dhe preferoi të thoshte “mjaft”. Dhe kjo është e mirë për mua si shembull. Unë i kërkoj Zotit të thotë “mjaft”- në një moment, por nëse ai dëshiron.”
