“Bravo Kosova, Panucci një sharlatan që shkatërron dhe atë që ishte ndërtuar”.
Kështu shkruante Bujar Nishani në Facebook, vetëm disa minuta pas humbjes së kombëtares së Shqipërisë përballë Kosovës me rezultatin 3-0 në ndeshjen që u luajt në Zvicër.
Duket se ky etiketim fyes ndaj trajnerit të kuqezinjve do t’i kushtojë shtrenjtë ish-presidentit të Republikës, pasi Panucci e ka paditur në gjykatë dhe kërkon 100 mijë euro dëmshpërblim prej tij nëse fiton gjyqin.
Padia është depozituar në gjykatën e Tiranës nga avokatët e Panuccit, i cili pretendon se ish-Presidenti Nishani i ka shkaktuar një dëm të rëndë moral./opinion.al
