Kombëtarja nuk mendon për barazimin në takimin e së martës me Maqedoninë. Trajneri Christian Panucci tha në konferencën një ditë para takimit se duan të fitojnë. Panucci sqaroi se e respektojnë kundërshtarin, por duke qenë të vetëdijshëm për vlerat tona.
Trajneri i kuqezinjve nuk ka bërë shumë komente për stadiumin rreth 7 mijë vendesh ku do të luhet takimi. Sipas UEFA-s do të luhet në Strumicë për shkaqe sigurie. Kombëtarja shoqërohet në çdo hap nga forca sigurie. Sipas mediave maqedonase nuk u bë i ditur as itinerari i autokolonës nga Shkupi në Strumicë. Në këto çaste Shqipëria po zhvillon seancën e fundit në stadiumin e vogël “Mladost” aty ku do të zhvillohet sfida të martën në orën 20:45.
Trajneri e Maqedonisë, Igor Angelovski u shpreh i lumtur që luhet në qytetin e lojtarit më të mire të ekipit, Goran Pandev. Agenlovski ka besim se do të jetë ndeshja më e mirë e këtyre kualifikuese dhe me mbështetjen e tifozëve do të arrijmë një rezultat pozitiv. Takimi i parë në Shkodër që hapi kualifikueset e botërorit u mbyll me fitoren 2 – 1 të Shqipërisë.
Tv Klan
