Bota është tronditur nga një prej skandaleve më të mëdha të evazionit fiskal.
11.5 milionë dokumenta sekrete të studios ligjore “Mosak Fonseka” me bazë në Panama, të kanë dalë në dritë dhe tregojnë skemat se si krerë shtetesh e qeverish, politikanë, biznesmenë, sportistë e artistë pastorojnë para apo i fshehin ato në parajsat fiskale, për të mos paguar taksa.
Behët fjalë për atë që është pagëzuar si “Panama Papers”.
2.6 terrabyte materiale që i kanë shkuar fillimisht gazetës Sudeutsche Zeitung, e cila ka përfshire në një vit investigim kontrollin e materialeve mbi 400 gazetarë të Konsorciumit Ndërkombëtare të Gazetarëve Investigative, në mbarë botën.
Janë 12 krerë shtetesh e qeverish, 6 prej të cileve ende ne pushtet. Mes tyre presidenti rus Vladimir Putin, ai i Kinës, kryeministri i Britanisë së Madhe David Cameron, kryeministri i Argjentinës apo ai Islandës.
Janë 128 drejtues politike apo funksionarë të lartë, 29 nga 500 personat më të pasur të globit, futbollistë të njohur si Lionel Messi, ish-presidenti i UEFA –s, Mishel Platini apo aktori Xheki Çan.
Të përfshirë janë edhe të dyshuar apo akuzuar për trafik ndërkombëtar droge.
Të gjithë dyshohet se kanë përdorur kompani OFF SHORE për të pastruar para apo për evazion fiskal.
“Panama Papers” ka trazuar kështu të gjithë perandorinë financiare të krijuar nga disa prej njerezve më të pushtetshëm, më të pasur apo me të njohur të globit.
Mediat e huaja shkruajnë se dosja gjigante me emra të rëndësishëm është rreth 15 herë më e madhe se “Wikileaks”.
Vladimir Putin dyshohet se ka arritur të fshehë mbi 2 miliardë dollarë. Por një zëdhënës i Kremlinit i quajti të gjitha spekulime, për shkak të asaj që ai e konsideroi si “Putinofobi”.
Kryeministri islandez, i pyetur në mesin e një interviste, u zu ngushtë dhe e ndërpreu atë.
Gazeta gjermane Zuedojce Cajtung thotë se materialet iu dhanë nga një burim anonim. /Tv Klan
