Kryeministrit të Islandës i është kërkuar të japë dorëheqjen pas publikimit të dokumenteve që e lidhin atë me kompani sekrete jashtë vendi për të shmangur taksat.
Sigmundur David Gunnlaugsson ka përfituar nga marrëveshja që vendi i tij ka lidhur pas krizës financiare me disa banka duke qenë kështu në konflikt interesi.
Publikimi i dokumenteve nga “Panama Papers” ka shkatërruar besimin e publikut te lidershipi i tij dhe kjo mund të ketë ndikim edhe tek reputacioni ndërkombëtar i Islandës.
Opozita planifikon të kërkojë votëbesim në parlament për kryeministrin dhe kabinetin e tij qeveritar, dhe për të shkuar më pas në zgjedhje të parakohshme.
Ndërkohë, të hënën në mbrëmje kanë nisur dhe protestat. Qytetarët vazhdojnë të qëndrojnë të mbledhur në kryeqytetin Reykjavik para Parlamentit.
https://www.youtube.com/watch?v=KPYu967ppY4
Pas kësaj, presidenti Olafur Ragnar Grimsson ka ndërprerë udhëtimin në SHBA, raporton televizioni publik RUV.
Gunnlaugsson, i cili qeveris që prej vitit 2013, është zbuluar se ka lidhje me kompani jashtë vendi për efekt taksash.
Kur ai u pyet nga televizioni publik i Suedis për lidhjet me firmën Ëintris, ai ndërpreu bisedën duke thënë se gazetari kishte bërë një pyetje të papërshtatshme.
“Po pyet për një gjë pakuptim”, tha Gunnlaugsson në intervistën për SVT./Panorama
