Pas publikimit të “Panama Papers”, e cila është një nga rrjedhjet më të mëdha të informacionit që gazetarët kanë hulumtuar.
Pra, bëhet fjalë për 11.5 milionë dokumente që datojnë nga viti 1977 deri në vitin 2005.
Nga të dhënat paraprake, bëhet me dije se janë mbi 600 kompani izrailite dhe 850 aksionarë izrailit që kanë fshehur para në këtë parajsë fiskale.
Ndërkaq, autoritetet anembanë botës kanë nisur që të hetojnë kompanitë offshore që ju mundësojnë njerëzve që t’u shmangen taksave. 12 liderë dhe ish liderë botërorë dhe 40 miq të tyre janë zbuluar deri tani.
Mes emrave të “luksit”, janë persona që ndodhën pranë presidentit Vladimir Putin, familjarë të liderit kinez Xi Jinping, të presidentit ukrainas Poroshenko, të kryeministrit të Islandës dhe Pakistanit.
Në dokumentet e skandalit figurojnë edhe futbollisti i Barcelonës Lionel Mesi, ish-ylli i Juventusit dhe drejtuesi aktual i pezulluar i UEFA-s, Mishel Platini, aktori Jackie Chan dhe mbreti i Marokut, Mohamed VI dhe ai i Arabisë Saudite, Salman: këta të fundit, janë ndihmuar nga shoqëria “Mossack Fonseca” në blerjen e jahteve luksozë.
Mes emrave të njohur, është edhe ai i babait të kryeministrit britanik, David Cameron, i vdekur në vitin 2010 dhe drejtues sportivë amerikanojugorë të përfshirë në skandalin e FIFA-s, si ish-zëvendëspreidenti i futbollit botëror, Eugenio Figueredo dhe i biri i tij, Hugo, përveç uruguaianit Pedro Damiani i Komitetit Etik të FIFA-s.
Me shumë siguri, ky skandal ka nisur valen e një investigimi global. Të paktën deri tani, të duket se mbi sipërfaqe ka dalë veçse maja e ajsbergut. Në ditët në vazhdim do shohim, thjesht, stuhinë dhe pasoja që ajo do lejë pas….
