Kryeministri Edi Rama ka zgjedhur sot t’i prezantojë Shqipërinë turistëve dhe vendeve në mbarë botën, falë ndihmës së inteligjencës artificiale.
Përmes një video në rrjete sociale, ku shfaqet duke folur në shumë gjuhë të botës, ai flet për plazhet, historinë, malet, qytetet dhe njerëzit, që sipas tij janë arsyet që tërheqin turistët.
Rama thekson se nëse duket sikur shumë gjuhë të botës i flet në mënyrë perfektë, nuk është se i di, por e ka gjeneruar me Inteligjencë Artificiale.
Ai u ka bërë thirrje turistëve të vizitojnë vendin tonë dhe të zbulojnë Shqipërinë” përtej pritshmërive”.
“MIRËMËNGJES 😊 dhe me videopërshëndetjen surprizë për Panairin e Turizmit në Berlin, ku do të më shihni duke folur edhe gjuhë që nuk i di fare, ju uroj një javë të mbarë😉”, shkruan Rama.
