Shtohet drama e aksidentit të sotëm në Tiranë, ku një nënë e re mbeti e vdekur, ndërsa arriti të shpëtojë fëmijët e saj të moshës 7 dhe 13 vjeç. Pamjet që ka publikuar Report Tv tregojnë se shoferi JO vetëm që nuk ka tentuar të frenojë por ka kaluar mbi trupin e të aksidentuarës duke i dhënë goditjen fatale.
Pamjet janë të tmerrshme!
Autori i këtij aksidenti është një vrasës dhe jo një person që nuk di të ngasë makinën apo një person që i dolën disa njerëz para në rrugë.
Ai shkeli mbi viktimën egërsisht dhe u largua duke shtuar shpejtësinë.
Dëshmitarët në vendin e ngjarjes kanë parë tmerr dhe kjo dëshmohet në pamje, ku duken duke i bërë shenjë autorit të ndalojë.
Policia thotë se e ka indetifikuar drejtuesin e mjetit tip Benz. Ai quhet Dhimitër Onjela dhe mendohet se është nga Delvina. Të paktën në emër të tij rezulton mjeti me targa AA476 GL, Mercedes Benz ngjyrë gri, model C Class.
Dëshmitarët thonë se nëna shtyu para fëmijët kur pa makinën që lëvizte me shpejtësi ti afrohej. Ata kanë shpëtuar por janë tejet të traumatizuar. Ndërsa nëna e tyre nuk u mbijetoi plagëve, duke ndërruar jetë në spital.
Dhurata P, banuese në Tiranë është viktima. Aksidenti ka ndodhur rreth mesditës, në unazë, eksaktësisht në kryqëzimin e rrugës “Asim Vokshi” me rrugën “Jordan Misja”.
