Ditën e djeshme gazetari nga Kavaja Dritan Kanapari, i cili drejton portalin Buletini i Kavajës, është masakruar te dera e shtëpisë nga persona të paidentifikuar. Lajmin e bëri të ditur ish-kryeministri Sali Berisha, i cili sot ka publikuar disa pamje të rënda të gazetarit pas plagëve të marra. Berisha ka dënuar ashpër këtë krim kundër lirisë së shtypit, dhe ka kërkuar nga prokuroria hetimin e plotë të ngjarjes.
Statusi i plotë:
Kjo eshte liria e shtypit ne narko-shtetin e Norieges!
Te dashur miq, ky eshte gazetari, drejtuesi i portalit Buletini i Kavajes, Dritan Kanapari, qe u masakrua parembreme nga bandat e qeverise tek dera e shtepise, per shkrimet e tij kritike ndaj pushtetit.
Duke denuar dhe nje here me ashpersine me te madhe kete akt kriminal ndaj gazetarit Kanapari, i bej thirrje prokurorise se shtetit te nise menjehere hetimet per gjetjen dhe ndeshkimin e merituar ligjor te autoreve te ketij krimi te shemtuar ndaj lirise se mediave! sb
