Gazetarja e televizionit “24 Vesti” Dushica Mërgja, ka qenë dëshmitare e okulare e sulmit të huliganëve ndaj kryetarit të LR-PDSH-së, Zijadin Sela
Ajo ka parë sulmuesit që hynë në Parlamentin e Maqedonisë dhe filluan te godisnin deputetët shqiptare.
“Mendova se është i vdekur. E godisnin me shqelma, me karrige, me grushta. E tërhiqnin zvarrë, ishte mbuluar i tëri ishte gjak. Asnjëherë nuk kam parë diçka të tillë”, tha Mërgja për “Tv 24”.
Gjithçka filloi me votimin e kryetarit të ri të Kuvendit të Maqedonisë nga shumica e re parlamentare, të cilët tanimë udhëhiqen nga kryetari shqiptar, Talat Xhaferi.
Situata u tensionua kur në Kuvend u futën protestuesit që veten e emëruan para 60 ditëve si mbrojtësit e shtetit maqedonas.
Befas filloi dhuna ndaj deputetëve të shumicës së re parlamentare.
U sulmuan deputetët Zoran Zaev, Radmilla Sheqerinska, Damjan Mançev, Maksim Dimitrievski dhe deputeti i vetëm shqiptar, lideri i LR-PDSH-së, Ziadin Sela.
