Këto janë pamjet që vijnë nga aksidenti që ndodhi paraditen e sotme te zona e Shallvareve. Sikurse duket në video disa makina janë dëmtuar dhe po ashtu dhe autobusi i linjës së Unazës.
Sakaq, si pasojë e aksidentit mësohet se tre persona kanë mbetur të lënduar. Ambulanca ndodhet në vendngjarje dhe po transporton të plagosurit drejt spitalit për të marrë ndihmë të specializuar mjekësore.
Sipas informacioneve paraprake autobusi i linjës së Unazës është përplasur me disa automjete.
Njoftimi i policisë
Më datë 27.02.2023, rreth orës 11:35, në vendin e quajtur Ura e Tajvanit, një autobus i linjës së Unazës është përplasur me disa automjete.
Si pasojë janë dëmtuar 3 shtetas të cilët ndodhen nën kujdesin e mjekëve.
Në vendngjarje ndodhen shërbimet e ambulancës me stafin mjekësor dhe shërbimet e Policisë.
