Përplasja e një autobusi me studentë me një autoveturë i ka marrë jetën një vajze 12-vjeçe. Aksidenti ka ndodhur pasditen e së dielës, kur një familje që udhëtonte me një makinë tip “Volkswagen” me targa greke është përplasur me një autobus, që ishte nisur nga Saranda drejt Tiranës.
Aksidenti ka ndodhur në “Qafën e Muzinës”.
Viktimë e aksidentit ka mbetur 12-vjeçarja Dori Lleshi, e cila ka ndërruar jetë në spitalin e Gjirokastrës.
Si pasojë e përplasjes, fillimisht kanë mbetur të plagosur të gjithë anëtarët e familjes Lleshi, që ishin tek makina tip “Volkswagen”.
Edhe të plagosurit e tjerë janë në gjendje të rëndë për jetën. Pas dhënies së ndihmës në Spitalin e Gjirokastrës, disa prej tyre janë sjellë më helikopter në Tiranë, në Spitalin e Traumës.
Të plagosurit nga aksidenti janë: Aida Lleshi, Fevzi Lleshi, Ana Lleshi, Selvie Lleshi, Aleksandra Lleshi si dhe Rabie Lleshi.
Pamjet më poshtë janë filmuar me celular pas minuta pas aksidentit, kur ende nuk kishte mbërritur ambulanca.
