Ndërsa nuk ka ende asnjë gjurmë nga autorët e vrasjes së ish-drejtuesit të policisë, Artan Çuku media publikon të tjera detaje nga ekzekutimi i tij. Mësohet se trupi i viktimës është gjetur në hyrje të pallatit i mbuluar nga gjaku.
Artan Çuku u ekzekutua mbrëmjen e djeshme në hyrje të pallatit ku banonte në rrugën e Kosovarëve pranë Liqenit Artificial në Tiranë.
Dy atuorët i kanë zënë pritë dhe njëri prej tyre ka shkrehur 5 plumba mbi Komisarin duke i marrë jetën. Nga hetimet e para, dyshohet se ngjarja ka lidhje me detyrat që Çuku ka mbajtur në policinë e Shtetit. Theksojmë se pas një karriere 16 vjeçare në polici, Çuku u shkarkua nga ish-drejtori i përgjithshëm Artan Didi në 2013 dhe nuk e futën më në radhët e policisë. Këto 4 vitet e fundit, Çuku ka punuar në polici private. /Opinion.al
