Shtetet e Bashkuar të Amerikës janë përfshirë nga temperatura ekstreme që shkojnë deri në -50 gradë Celsius.
Mediat vendase shkruajnë se qytetet janë thuajse të mbyllur në të gjithë pjesën qendrore të Amerikës, ndërsa rajoni është mbërthyer nga një valë të ftohti i njohur si vorbulla polare.
Bora dhe ngricat jo vetëm që kanë bllokuar lëvizjen, por kanë shkaktuar edhe viktima. “Daily Mail” shkruan se deri tani janë konfirmuar 12 të vdekur, mes të cilëve edhe një student 18-vjeçar, i cili u gjet pa jetë në ambientet e kampusit të Universitetit të Ajovës.
Ndërkohë meteorologët janë shprehur se këto temperatura janë ndër më të ulëtat në historinë e Amerikës, aq sa kanë ngrirë edhe liqenet.
Gjendja e emergjencës është shpallur tashmë në Uiskonsin, Michigan dhe Illinois, madje edhe në shtetet normalisht më të ngrohta më në jug, në Alabama dhe Misisipi.
Më poshtë disa pamje të pazakonta të Amerikës nën akull./G.Z
